India ramah darkar 24 liam ta chhung khan coronavirus kai mi 3,230 hmuh chhuah leh hman a ni a, mi 4,45,75,473-in an kai ta.
Union health ministry-in a chhinchhiah dan chuan hri kai enkawl lai chu tlahniam chhunzawm zelin mi 42,358 an la awm mek.
Darkar 24 liam ta chhung hian mi 32-in an thihpui leh anga chhinchhiah a ni a; mahse, heng zinga mi 22 erawh a hma lama thi tawh, Kerala-a chhinchhiahnaa telh thar an ni a. Heng mite nen hian mi 5,28,562-in hripui hi an thihpui tawh a ni.
Hri kai hmuh chhuah tawh zawng zawng zat atanga chhutin a kai enkawl lai hi 0.10% an la ni mek a, 98.72% erawh enkawl dam tawh an ni.
Darkar 24 liam ta chhung hian enkawl lai zat hi mi 1,057-in an tlahniam leh hman a ni.
India-ah hian hri leng thihpui chhinchhiah tawh zawng zawngin 70% chuang chu natna benvawn nei sa an ni.