Aizawl : Central Bureau of Communication, Ministry of Information & Broadcasting, Field office, Aizawlin Narendra Modi kaihhruai sorkar kum 8 tlin lawmna Seva, Sushasan, Garib Kalyan leh India zalenna champha vawi 75-na Azadi ka Amrit Mahotsav lawmna puala Sihphir community hall-a ni hnih awh tur Photo Exhibition an buatsaih chu thawhlehni khan Lalduhoma, MLA-in a hawng.
Lalduhoma chuan sorkar laipui scheme hrang hrang state sorkarin a hmang lo thin pawi a tih thu sawiin, sorkar laipui healthcare scheme – Pradhan Mantri Aroya Yojana hmang turin mipuite a chah.
Sihphir VC Vice President Lalnelawma pawhin Exhibition hawnna inkhawm hi khualzahawm niin a hmanpui bawk a ni.