PC party President Vanlalruata’n nimin khan Aijal Club park-a Handloom Expo tlawhin, awmze neia kalpui a nih chuan Handloom hmanga Mizoram economy chawichhuah theih a nih thu a sawi.
Vanlalruata chuan “Puantah leh design-ah Mizo thiamna hi khawvel huap pawha ngaihsan tham a nh laiin, puantah lama hma kan sawn hleitheilo hi a pawi” a ti a. “Kalphung thlak a ngai tih hei hian a tilang a ni,” a ti.
“Kan kutchhuak pawh khawvel hmuha phochhuah tlak a nih rualin, kan puan (product) hi man lua leh awmze nei zawka hralhna tura thail tul tawpkhawk, hming awmze nei (branding) nachang kan hriat a ngai a- mawihnai taka fun (packaging) a ngai bawk a – a len zawng (size) bithliah awmze nei siam a ngai a ni,” PC President chuan a ti bawk.
PC party President chuan “Keini chuan hetiang hi kalpuiin a hralhna awmze nei (market chain) tha kan siam ang a, hahndloom-a eizawng sa te an dinchhuah mai bakah Handloom–ah hian innghahna tlak eizawnna thar mi sing tel tan a piang dawn a ni,” a ti a. An sorkar a nih chuan Handloom & handicraft hmanga mi thahnem tak an dinchhuah tur thu a sawi bawk a ni.