Nilaini chhun dar 12:40 khan khan Excise & Narcotics Department chuan Mualkawi khaw dai, Zokhawthar Road, Champhai District-ah heroin gram 574 (Hawng 44) leh a neitu nia puh mi pahnih – Lallawmkima (31) leh Golden-a (28), Zokhawthar, Champhai District-a khawsa ve ve nia inchhalte chu an man.
Ruihhlo neitute’n heroin phurhna atana an hman Maruti (Ignis) car pawh hrensak an ni a. Ruihhlo vanga man, Lallawmkima leh Golden-a te hi The Narcotics Drugs & Psychotropic Substances Act, 1985 (NDPS Act 1985) tlawhchhanin thubuai siamsak an ni.