INDEPENDENCE (Mahni a dinchan ngamna, zalen takin): Hmangaihte nena run hmuna hlim taka len dun theih nan, “mahni a dinchan ngamna” hi a pawimawh em em a ni. Pianpui unau diktak mizia pawh a in ang thei lo. Mitin mai hian mize dangdai tak kan nei theuh. Chuvangin, hmangaihten kan chhungte hmaa inthlahrung leh hlim lo taka an awm reng hi thil tha ber zawng a ni hauh lo mai. Kan “Mizo dan” tia kenkawh a chhuan tlak ber erawh a ni lo. Chuvangin kan hmangaih te nena zalen taka run hmun hlim taka kan lendun theihnan, “Mahni a dinchan ngamna, huaisenna” kan neih tlat a ngai a ni.
JEALOUSY (Thikthuchhiatna): Hmangaihna in a chhawm tel thil duhawm tak leh duhawm lo tak mai chu, he “Thikthu chhiatna” hi a ni. Thikthu chhiatna hian kan hmangaih zia a lan tir a, mahse thikthu chhiat hi ramri kan siam sak thiam erawh a tha khawp mai. Thikthu chhiat luat a vanga beisei lo leh tum lo pui a thil lo thleng thin erawh hi zawng, “Thikthu chhiatna ramri pel (over) a ni a, in hmuhsihna te, in rin lohna te a kawk thei bawk. Thikthu chhiatna hian “Rah tha a chhuah ang bawkin, rah duhawm lo tak pawh a chhuah thei bawk”.
KISS (Fawhna, Fawp): Vawikhat infawh “kiss” ringawt pawh hi, “Tawngkam sing tam tak aiin a hlu zawk”. Zawi dam diaia hmangaihte’n min fawh (kiss) emaw, kan fawh (kiss) emaw hi chuan, thinlung chhung ril zawng zawng chu a keh sawm vek emaw tih tur khawp hian, a hlu a ni. Chuvangin, kawppui leh hmangaih fawh (kiss) tur hian inngaihtuah rei leh muangchang lovin, fawp (Kiss) dam diai leh thinlung zawng zawngin fawp (kiss) phawt mai teh.
LOVE (Hmangaihna): Bible-a Petera sawi angin, “Hmangaih” tih leh “Ngaina” tih hi a inang lo a ni. Kan hmangaih tak tak a nih chuan, hmangaiha te tan thil engkim hi kan pe (hlan) phal vek a ni. “Ka hmangaih che” tih tawngkam khat chauh pawh hi, khawvel a rohlu leh lunghlu man tam tak aiin, beiseitu tan chuan a hlu zawk a ni. “Ka hmangaih che” tih tawngkam hian” huaisenna, beiseina, rinna, etc. a chhawm tel a ni.”