Aizawl: Integrated Child Protection Service (ICPS) Mamit District hnuaia din, Jail Inspection Team chuan Mamit District Jail tlawhin naupang kumtlinglo tang an awm leh awm lo an en.
Thla thum dana endik thin tur a nih angin nimin khan Mamit District jail, Hmunhlui tlang (Mamit atanga km 7 vela hla) chu an tlawh a, kumtlinglo tang an awm lo a ni.
Jail Inspection Team member – Tommy Hmingdailova, Zatluanga Sailo, P. Lalchunglura, Hmingsangzuali leh Lalrinchhani ten Mamit District Jail an tlawh lai hian jail tang mipa 49 leh hmeichhia pahnih, an vaiin mi 51 an awm.