South Korean car manufacturer Kia-in July 31, 2019 aṭangin India ramah car an hralh chhuak ṭan a. Kum thum chuang hnuah LBS Group hotunu T Zosangpuii’n Mizorama Kia dealer an nihna chu Pathian hnenah hlanin, mipui dawr theih turin showroom leh servicing station an hawng zui a, nimin aṭang khan car an hralh chhuak tan.
Mizorama Suzuki two-wheeler dealer nihna hlawhtlinpui mek LBS Group-a Dealer Principal H Ngurdingliana Ngurte chuan Pathian malsawmna dawnga Kia dealership an hawn theih avangin LBS chhungkua an lawm hle a, Mizo mipui tan a ṭha thei ang bera enkawl ngei an tum tih a sawi.
India-ah Kia-in car chi hrang panga – SUV pahnih Seltos leh Sonet, multi purpose vehicle pahnih tho Carens leh Carnival bakah electric vehicle EV6 an tichhuak tawh a; hengte hi LBS Kia aṭangin lei theih tura chhawpchhuah nghal a ni.
Ram dang aṭanga India rama car company lut tawh zingah kum khatnaa hlep nei nghal thei Kia hian hnuhma thar a neih belh zel a, India rama car 3,00,000 hralhchhuak rang ber an ni bawk.
LBS Kia pawhin Mizoramah beiseina a nei sang a, Falkland Vengah showroom leh Bawngkawn Brigade Vengah servicing station changkang leh changtlung ber ni tur khawp bunin, dealership hawn a nih hmain mi 400 velin an ngaihven hman a, staff 40 vel ruai nghalin tihpun ngai zui mai tur dinhmunah an dinng nghal hial a ni.
LBS KIA
SHOWROOM : F-A17 (B), Falkland, Near SBI, Aizawl – 796007
Mobile number : 8798-940-789
SERVICING STATION : Brigade Veng, Bawngkawn, Aizawl
Mobile number : 9774-468-658