Formula 1 chuan season tharah ‘Sprint race’ an neih zat tur chu a let a an tihpun tur thu an sawi.
F1 thuneitu leh team te hian April thla khan sprint race neih belh hi an remti tawh a, mahse FIA lamin an la puang chiang lo. FIA hian sprint race in kartawp Grand Prix pumpui buatsaihna kawngah nghawng hautak a nei em tih an zirchiang leh phawt.
FIA lam hian inremna an neih hnuah an puang chiang a. Season thar a intlansiak 24 neih tur ruahman zing atangin sprint race paruk tal a awm dawn.
Kum 2021 atanga neih tan sprint race hi Inrinni a neih niin qualifying pangngai chu Zirtawpni ah sawn hma a ni a. Qualifying a tlan chak dan chu sprint race a tlanchhuah tan nan hman niin Inrinni sprint race hi intlansiak rei lo zawk a ni a. Chat lak awm miah lova intlanchak siak tawp niin point hmuh a nih bakah a tuk intlansiakna a tlanchhuah tanna tur a hril bawk.