Filmstar hriathlawh chhoh mek Ryan Grantham chu a nu a thah hnu-ah damchhung tang tura hrem a ni.
Kum 24 mi hi film lar tak tak- ‘Riverdale’ leh ‘Considerting Love and Other Magic’ a inlan kha niin, zahngaihna leh khawingaihna tel miah lova a pawikhawihna hian hun thim leh hrehawm takah a nawrlut dawn ta.
Vancouver judge Kathleen Kerr. chuan Canadian actor hi second-degree murder-ah thiam loh chantirin, amah ngei pawh hian a thil tihah a inpha buai lova, a thiam loh ngei a nih thu a puang niin, a sawi.
Grantham hian damchhung lung in tang dawn m ah se, kum 14 hnu-ah ‘parole’ a dil thei ang. Hetah hian kum 38 mi a ni tawh dawn a ni.
Lemchan khawvela nghawr dawt thei pawikhawihna hi March 31, 2020 khan thlengin, piano tun mek a nu Barbara Waite chu Graham hian a nu nghawng ah silaiin a kap. An chenna Squamisth, British Columbia-a thisen chhuahna thleng hian Canada rampum pawh a nghawr chhuak rang hle.
A chetdan mak leh rapthlak tak nia sawiah Grantham hian a nu ruang hi puan nemin a tuam a, piano chungah pangpar dah bawkin, mawmbati a chhi a. Rui chungin Netflix a enzui niin, police hmaah a inpuang a ni.