An sawi fo thin, India rama ‘Supermodel culture’ hi ramdangte nena khaikhinin awmzia a la nei viau zel a. Indian model te hlawh chhe tak anga sawi leh eizawnna ropui anga sawite aia hniam fe zawka ngaihdan te thlengin a tam a, mahse a nihna takah chuan a dik lo. A dik reng reng lo.
ETimes-in tunhnaia zirchianna a neihah India rama model lar tak takte leh modelling agency hrang hrangte atanga a hmuhchhuahah chuan Indian model te hian kumtin cheng nuai 30 atanga nuai 40 velzet an dawng thin.
A bik takin, mipa model te aiin hmeichhe model te hlawh a letin a tam bawk a, Indian Institute of Management atang zirchhuak hlim te aiin sum an siam hnam fe zawk bawk.
Kawng lehlamah chuan, IIM fresh graduate te hian kumtin chen nuai 25 atanga 30 vel an hlawhchhuak thung a ni.
Rikee Chatterjee, Sonalika Sahay, Lakshmi Rana, Vivek Dhiman, Bardeep Dhiman leh Nitin Gupta te hi Indian rama model hlawh hnem leh hlawh tha ber pawl an ni mek.
Survey-a a lan zel danin, Indian mipa model lar te hian thla tin ad campaigns leh behbawm atangin cheng nuai 2 atanga nuai 2.5 an thawkchhuak thin a ni.