Pakistan Supreme Court chuan kum 2002-a United States chanchinbumi, Daniel Pearl-a thattua puh mi pali chu a chhuah zalen.
Wall Street Journal-a South Asia bureau chief, Pearl-a hi Pakistan-a hel pawlte chanchin zir tura a kal chu ruk bo niin a lu tansak zui a ni.
Amah thahnaa a bultumtu bera puh, British mi leh mi dang pathumte chu thiam loh pawh chantir a ni tawh.
Hetih lai hian Pakistan-a court sang ber chuan he thutlukna hi hnawlin an vai hian thiam lohna nei lovah a chantir.
Pearl-a chhungkua leh an dan hre mi chuan ‘mak an ti tak zet’ tih sawiin ‘court rorel dan dik lo lutuk’ niin an sawi.
Hetih lai hian US thuneitute chuan dan hmangin Pearl-a thahnaa mawhphurtu bera ngaih, Omar Saeed Sheikh-a chu an ram chhung ngeia a chung thu rel a nih theih nan hma an la dawn a, amah hi chuan thil dik lo tih engmah a nei lo niin a insawi.
September 11, 2001-a mi firfiakten US an beih hnuah khan Wall Street Journal journalist Pearl-a hi Pakistan-ah kalin helho chungchang a chhui a. Lo man leh thihna hial a tawh phah.
A awmna an hriat loh hnua an lantir hmasak ber chuan khaidiata thlungin a luah silaiin an tin a. A hnuah a lu tansak a ni.
An tihlum lai hi video-a laka thehdarh a ni a, hei hi a hnu zelah pawh al-Qaeda leh Islamic State firfiak pawlten mi an thaha an tih dan fo a ni zui ta nghe nghe.