European football a league lian panga zirchiannaah season hmasa khan inhliam chu za a sawmhnih in a pung a. Club ten Pound maktaduai 500 an sen phah niin zirchiannaah a lang.
Howden Insurance Brokers chuan 2021-22 season a European Football Injury Index a buatsaihah inhliam avanga club te sum sen leh hloh chu a pung tih a tarlang a. PSG chu a tuartu lian ber niin season liamta khan Pound maktaduai 34.2 an hloh niin a chhut.
Inhliam senso leh hloh hi player inkhelh theih loh chhunga an hlawh a sum sen leh inenkawlna bakah player-te hlutna leh hlawh pun chak dante thlir tel a chhut a ni.
An zirchiannaah hian Premier League in inhliam an ngah ber a (1,231), Bundesliga (1,205) leh La Liga (848) ten an dawt a. Season inhnawhtawt chu a chhan lian takah an ngai bawk.