Tui hian vun tan malsawmna a thlen a ni mai lova, in tam dan a zirin taksaah malsawmna hlu tak a thlen zut tih a ni.
Doctor leh ei leh in lama mithiamte chuan nikhata tui no 8 in hian taksa leh rilru a vawng tha an ti fova, tui hian taksa chhunga thil tha lo leh bawlhhlawh tlengfaiin, vun harsatna hrang hrangte pawh a umkiang zung zung niin an sawi bawk a, a bik takin vun inrin (wrinkle) te phei chu a timam zut zut nghal thei niin an sawi.
Zirchianna an neihah hmeichhia volunteer te chu ni 8 chhung nitin tui litre khat leh a chanve intir an ni a, chutih laiin an nitin nun (lifestyle) ah erawh danglamna engmah an siam sak lo thung. A thenin, tui herh haw an in a, mineral in pawh an awm.
An han zirchiang tak tak ta a, chuta lo langah chuan- tui herh haw atanga lo chhuak in thinte zingah hmai chuar an neih leh vun-a harsatna neuh neuh an neih chu 19% in a kiam nghal tih a ni a, chutih laiin tui thianghlim pangngai tak in thinte ah erawh 24% zetin an harsatna hi tihmam a ni nghal bawk.