MUT TLEM VANG
Mut chungchangah hian mihringte hian bithliah te neiin, kan han inremsiam ve thin tak na a, muthilhnan hun hman that loh anih chiah hian taksa hian harsatna namen lo a tawng baw nghal a ni. Tichuan, tunhma zawng aiin Thau (fat) a khawl hnem ta a, chumi chuan mamawh aia tam ‘calories’ chu lalutin, taksa rihna hi al o awm mai thin.
Mut tlem vangte, chawlhhahdamna neih mumal lohna te hian chauhna leh taksa chak lohna a thlen rang hle. Tunah khan i rihna thunun i duh anih chuan mut hunbi nei a, zankhata darkar 6-7 tal chu mutnana hman ngei ngei tur a ni.
RILRUHAH LEH THAWPIK
Hun engemaw chen chhunga rilruhah leh thawpikna hian taksaa ‘bio-chemical’ inrelbawlna a tihsosan avangin ‘metabolism’ hi a hniam nghal rawih rawih.
A awmzia chu- nitina i mamawh calories i lakluh pawh khan taksa rihna a belhchhah zel dawn tihna a ni a, chu mai piah lamah heng thawpikna te hian kawngbawr (waist) ah thau a titam lehzual dawn a ni.
Chuvang chuan, kawngbawr velah thau a tam tan anih chuan thawpik (stress level) kha i ngaihpawimawh hle a ngai tawh ang.
DAMDAWI HMAN
Rilruhah, lu na leh BP damdawite hian rihna hi an chawm hneh hle tih a ni a, taksaah nghawng an neih nasat em avangin taksaa, ‘insulin’ level kha tisangin, riltamna a thlen vat vat thin.
A chang erawh chuan, eng damdawi ber hian nge taksa rihna hi tipung thin tih hi hriat a harsa hle bawk a, damdawi te hi a chakna leh taksaa a thawh dan an inan loh hlawm em vang a ni a, hemi chungchangah chuan doctor rawn a tha.