Israeli Foreign Minister Yair Lapid chuan Bahrain a tlawh a, hei hi Israeli cabinet member zinga miin nikuma inremna an siam hnua Gulf lalram an tlawh hmasak ber a ni.
Lapid-a hian Israeli embassy thar a hawng a, inremna eng emaw zat a ziak bawk ang.
Bahrain a thlen hnu lawkah hian Manama atanga Tel Aviv pana sumdawng thlawhna thlawk hmasa ber chu a thlawk chhuak bawk.
Bahrain, United Arab Emirates, Morocco leh Sudan ramte chuan United States palaina kaltlangin Israel nen hian inremna an siam a, hei hi Abraham Accords tia sawi a ni.
A hma zawng kha chuan Arab ram pahnih – Egypt leh Jordan nen chauh Israel hian inremna an nei.
“Bahrain-ah ka thlawk lut ta a. Israel aiawha sorkar mi nia lalram tlawh hmasa ber ka ni hi ka inchhuak a, min lo dawnsawn danah ka lawm hle a ni,” tiin Lapid hian Ningani tuk khan Twitter-ah a tar lang.
Lapid-a hian Bahraini sorkar hotu liante a kawm kual hnuah Manama-a Israeli embassy hawn thar chu a hawng dawn a. Inbiaknaah hian thawhhona tur tam tak an ziak dawn bawk a, heng zingah hian damdawi in leh tui lam bakah power company-te nena thawhhona turte pawh a tel ang.
Israel nena an inrem duh lo mipuite chuan Manama-ah hian Abraham Accords an hal.