Aizawl : Lal Bahadur Shastri national academy of administration, Mussoorie (LBSNAA)-a officer trainee paruk ten nimin khan India zalenna sualtu Darthawma Renthlei (L) in Chanmari, Lunglei tlawhin, Darthawma chhungte zahna chibai an buk.
LBSNAA-a officer trainee te hi Darthawma fapa R. Lalbiaktluanga leh a chhung ten an lo dawngsawng.
Kum 1920-a Pukpuia piang Darthawma Renthei hian November 27, 1940-ah British Army a zawm a. 1941-a Malaysia a thawn zingah telin, 1942 ah Japan leh British sipaite Prisoner of War-a man zingah a tel a. Jail atanga a chhuah hnuin Indian National Army a zawm a, man niin 1946-ah chhuah a ni.
Freedom fighter ah pawm a ni a. August 15, 1973 ah Tamrapatra Award hlan a ni.
Lunglei Chanmari-ah chengin, July ni 21, 2019 khan chatuan ram a pan.