He film hi kum 2019-a CK Hyundai-in Hyundai Car neitute tana article inziahsiak a buatsaiha lawmman pakhatna latu PL. Lalmuankima, Pangzawl ziah ‘Ka ngaihtuah hlimna chu’ tih zulzuia siam a ni.
CK Hyundai production BAHHNUKTE hi shooting an zo tawh a, editing tih mek a ni. Director Samie Pachuau, Director of Photography BS Pictures (Lalbuatsaiha) te an ni a. Samie Pachuau hi film dang – Scooty, Nunna Thar, Nora etc.-ah te a inlan tawh kha niin, BAHHNUKTE hi Mizo film a direct hmasakber a ni thung. BS Pictures hian Mizo film-ah sulhnu a lo nei nual tawh a, Music video nalh tak tak a lo phochhuak tawh bawk.
Mizo mipui hriatlar Adama leh Hruaia Sailo te chu a changtu ber te an ni a. Mizo film danga lo lang tawh Sangteii Renza (Nunna thar), Maruata Rawite (Keimahni, 0389.. etc.), Kima Parousia (Rose, Hnehtu) leh Lalrinmawia (0389) te bakah zaithiam, Mizo film-a la lang ngai miahlo te pawh he film-ah hian inlan an awm a, hei hian he film hi a tinghahhlelhawm zual hle. He film hian khawi lam hawiin nge min hruai dawn tih chu kan hre thuai dawn e.