Excise & Narcotics Department leh Central Anti-Drugs Squad (CADS) thawkdunin ni hnih chhungin heroin kg hnih leh gram 2016 (hawng 167) an man.
September 30, 2022 zan khan Durtlang Leitan-ah heroin gram 226 (hawng 17) leh a neitu nia puh, Malsawmtluanga, Durtlang Leitan nia inchhal an man.
October 1, 2022 zing khan National Highway 44-A Junction, Mamit-ah heroin kg 1 leh gram 990 (hawng 150) leh a neitu nia puh mi pathum, Suman Debnath, North Brajapur, Bishalgarg, Sepahijala, Tripura leh Mafij Miah , Kalsimura, Boxnagar, Sepahijala, Tripura, bakah Mabarul Haque, Uttar Keuti, Asalkandi, Karimganj District, Assam-a khawsa nia inchhalte an man a. A phurhna atana an hman Hyundai Alcazar car pawh hrensak an ni. Heroin te hi Mizoram pawn lama hralh tura an tih mek lai a ni.