THIL EI TITLEM RAWH
Italy, Japan, Greece leh California-a cheng zingah kum 100 chuang dam hi an thahnem fe a. Heng mite hian an thil ei thin 20%-in an titlem thin. Chaw ei dawhkanah ei tur an chhawp rui ngai lo.
THLAI HNAH/RAH EI UAR RAWH
Thlai hnah/rah-ah hian anti-oxidant a tel tam mai bakah vitamin tha a awm nual avangin ei tam vanga thau luah kan hre ngai lo. Kum 100 chung lam dam thin Okinawa hnamho ei thin chaw thleng khatah hian American ho ei thin chaw thleng khata tel Calorie hmun 5-a then hmun khat emaw chauh a tel. Bean, thei pil sak leh thlai hnah/rah ei tam hi a tha hle.
EI IN THA NGAINA RAWH
Strawberry, Blueberry, Toh-hu leh tuipuia thing hnahte hi a tui a, taksa tan a tha bawk. American ho khuan hriak, chi leh chinite hi an ei nasa hle a. Hei hi thil siamsa ei an uar vang a ni a. Heti anga siamsa (ready-made) eiin ei tam hian vitamin a thlen tlem bakah taksa hrisel nan a tha lo tih hmuh chhuah a ni.
THU CHUNGIN EI RAWH
Thil kan ei hian TV en chung leh motor khalh phaha ei lovin, chaw ei dawhkana thu chunga muang changa ei a tha. Chaw bar khat hi vawi 10 tal thial tur a ni, chu mi hnu-ah chauh lem tur. Minute 20 chhung tal chaw ei thin tur a ni.
KE-IN KAL RAWH
Dam reite reng reng hian taksa sawizawi hi thil ho te-ah an ruat ngai lo. Ni khata tih ngei ngei tur hna pakhatah an ngai zel. French hmeichhia te khu a tlangpuiin, chaw ei kham apiangin ke-in an kal ziah thin. Hei hi hriselna atan a tha hle. Chuti anga kan ti thei lo anih pawhin in lam hna sekrek thawh tur a ni.
HAWI HARH RAWH
Tunlai boruakah thil tih chi ni lem lo mah se, hripui zawh hnu-ah hman tangkai a tul hle ang. Dam rei apiangte hian mi kawm an thiam bik a, chhungkuaah pawh hmangaihna thinlung an chetchhuah pui thin. In lamah hlim taka an awm bakah pâwn lama an thiantha te an kawm a, kohhran thil tihna ah pawl leh khawtlang thil tihhonaa hrang hrangah phur taka tel thin hi dam reina chi khat a ni.
CHAWL HAHDAM RAWH
Khawvela mi hrisel ber berte pawh hi a châng chuan an thawpik lutuk hi an buai ve fo thin. Mahse, a tihreh dan an hria. Pathian biak te, zinga tlan te leh thiante nena zanriah kil tih ang chi te hi a chhawk zangkhai nan an hmang. Zep thu a cheng lo, rilru hahdam taka dah thin hi a tha hle a nih chu!