Ian hian US-a Florida a nuai hnuah hian Atlantic Ocean-ah lut lehin US-ah bawk a let leh a, Zirtawpni khan South Carolina vaukamte chu Category 1 hurricane-a nain a nuai leh a, darkar khata km 140-a chak thlipui a la keng a, a hnu lawkah erawh a chakna hlohvin post-tropical cyclone a ni tawh a, Inrinni zana Virginia state a luh leh hnuah a thamral zui a ni.
Tracking website poweroutage.us chuan North Carolina leh Virginia-ah hian mi 45,000 chuangin power an la nei lo niin Inrinni zan khan a sawi.
Florida a luh hma hian Ian hian Cuba nuai hmasain thliarkar pumah power network a tichhe vek bawk.
Electric hi a tahtawla siam mek zelin niin Havana khawpui bikah phei chuan a pangngai leh thuak tawh a, hetih lai hian power nei lo in tam tak an la awm thi.
Pacific Ocean-ah pawh Hurricane Orlene a insiam leh mek a, hei hi Category 2 la niin Mexican vaukam hnaiah a la awm a, khawmual kai leh thuai tura ngaih a ni.
Mi thiamte chuan mihring khawsak dan dik lo vanga sik leh sa inthlakin khaw awm dan uchuak tak tak hi a titam zual niin an sawi.