TUIZAWNG LEH INANNA
Pian leh seilenna inang lo leh mihrang hlak in ni a, duhzâwng leh tuizâwng inan thu a awm lem lo. Nuam intih leh in hlimpui tur ang chi zawn chhuah a, intihhlim tawn a, inngaihsak tawn a, inlawmpui tawnna hi a hrisel hliah hliah a, inhlawkpui em em dawn a ni.
DAWHTHEIHNA
A thiltihna reng rengah khan hahdam tak leh thawveng taka a awm theihnan dawhtheihnain chawmnung thin la, hun thawl leh tam zawk pek hreh ngai suh ang che.
INHRIATTHIAM TAWN
Engtinnge in pahnih inkarah inzawmna, inpawhna leh inhriatthiam tawnna in neih zel theih ang tih zir thin u la, i hmuh dan leh ngaihdan ringawt ni lovin, a hmuhdan leh ngaihdan atanga thlir thiam tum thin a tha.
KA LAWM E
Thil tetham leh ho te anga langahte pawh lawmthu inhrilh tawn hi thiam nal tum la, chapona umkiang in, beisei let nei miah loin thinlung takin sawi thin ang che.
PHAL LO LA
In inkar tibuai thei tur leh thil tha lo te chu mahni mai ni lovin, in pahniha chinfel a, tihbo dan ngaihtuah u la, rilru tak takin inbia u la, thinlung takin inkawm thin u la, in thil tih reng reng hi hmangaihna leh induhsak tawnna atanga chhuak ni zel rawh se..