Rimawi khawvela hlawhtling taka kum 20 zet a tal hnu-ah award ropui bera ngaih Grammy a la dawng lo tluang zel a, ‘Grammy a mamawh lova, a buai lohna lam a ni’ tiin Katy Perry-i’n a sawi.
Tun thleng hian nomination 13 zet hmu tawh mah se, Grammy hian a la thlawh khum zel mai a, phu leh awm ngawih ngawiha nia langah te pawh kohchhuah a ni ngai lo.
Kum 37 mi hian Grammy dawng lo mah se, a music hralh tam dan chu a inchhuanna lian tak a ni a, ‘number’ hian thu a sawi ring zawk a, a tak ram a kawk fiah bawk a ti.
Khawvelpumah album copy maktaduai 48 chuang a tiral tawh a, a hla te hi online lamah vawi billion 50 chuang stream a ni tawh nghe nghe.
Variety magazine-in a kawmnaa Grammy a la nei lo chu pawi a ti em, tia zawhna chu, “Teuh lo mai. Vawi 13 nominate ka ni tawh. Dik taka sawi chuan, ‘number’ hi ka ngaipawi-mawh zawk a, anni hi chuan dâwt an sawi ve ngai lo. Engkim mai hi a lo tha vek mai. Mi zawng zawngin ngaihdan hrang an nei vek a, chu chu pawm mai tur. Mahse, number chu number a ni a, maths hi thil puithu tak a tling reng a ni,” tiin a chhâng.