Aizawl : India Mobile Congress leh IT Ministers conference, New Delhi-a neihah ICT Minister Robert Romawia Royte-in Mizoramin Telecom infrastructure policy a neih thar tawh thu sawiin, hei hian nasa takin hnathawktute tan awlsa- mna a siam niin a sawi.
ICT Minister Robert Romawia chuan Mizoram chu hmun kilkhawra awm a nih avangin kawngpui, railways leh air services-ah te a hnufual rih tih sawiin, “hei vang hian internet leh telephone service tha kan mamawh zual bik” a ti a. Ministry of communications leh ministry of MEITY-a Mizoram project pending mekte chu sanction rang turin a ngen.
Robert Romawia Royte chuan social media-a mahni nihna thupa nasa taka hma- nsual a ni mek chu dan mumal tak siama khawng taka do tul a tih thu a sawi bawk.
He conference-ah hian Prime Minister Narendra Modi, Union MEITY Minister Ashwini Vaishaw, Union MoS Rajeev Chandrashekar, Union MoS for Communications Devusinh Chauhan leh Jio neitu Mukesh Ambani bakah state IT Ministers te leh Secretary te leh India leh khawvel hmun dang atangin IT lama hmalatute an tel a. Mizoram atangin ICT Minister hovin Chief Secretary Dr Renu Sharma leh Sr Informatic officer Vanlalringa te an tel a ni.