ZPM Mamit East block-in Lengpui Vengtharah conference hmangin, resolution pali an pawm a. Forest clearance felloh avanga rei tak hna chawlhsan tawh NIT Lengpui chu chhunzawm leh thuai tura chak zawka hma la turin Mizoram sorkar an phut.
ZPM Mamit East block chuan In sak tanpuina, housing for all, Mizoram sorkarin hun rei tak sem chhuak lova a dahin in sa thar tur leh sa mek te tan harsatna nasa tak a siam nia sawiin, a hmu thar tur list tihchhuah tawh leh installment la dawng kimlote hnenah pek chhuah thuai an phut.
Rawpuichhip eco-tourism siam mek rei tak contractor-in a chawlhsan tawhah thil diklo leh felhlel a awm chuan chhui chhuaka, a mawhphurtu hrem turin Mizoram sorkar an phut a. Central sorkarin a ruahman ang ngeia a drawing leh estimate nen inmil thlapa chhunzawm an phut bawk.
ZPM Mamit East block chuan “Mizoram state kan nih hnu kum 35 chhunga Congress leh MNF ten Mizoram min kaihh- ruai dan leh kan thlen chinah lungawi har kan ti a; corruption, party bil induhsakna hleihluak te, Mizoram budget tangkai taka hman loh a ni fo te, pawisa sem tiama vote zawn te hi a bo theih nan leh kalphung thar, mipui sorkar a din ngei theih nan ZPM Chief Ministerial Candidate Pu Lalduhoma chu Chief Minister a nih ngei theih nan 2023 election-ah Zoram mipuite ZPM vote theuh turin kan sawm” an ti bawk a ni.