Serchhip MLA Constituency huamchhunga khaw hrang hrangte football a inelna 26th Serchhip MLA Cup 2022 chu Thawhtanni khan Thenzawl Lothazawl Football Ground -ah an khel tan.
He tournament hi Mizoram Football Association treasurer Tuikhuahthanga chuan a hawng.
Thenzawl Zone Football Association buatsaih MLA Cup 2022 hi VC Area anga inelna a ni a. Serchhip atangin football team pathum, Thenzawl atangin VC Football team pali, Neihloh atangin team pathum bakah Buangpui leh Kanghmun South te nen an vaiin team 10 in an khel.
MLA Cup rual hian Veteran tan Football Tournament siam nghal niin Thenzawl Zone huamchhung atangin team 9 an tel.
Final hi October 17 a khelh tur a ni a. Champion in cheng nuai 1 leh trophy an dawng ang.
Tournament hawngtu MFA treasurer chuan India ramin Mizote football a kan thatzia an hre tawh a, eizawn nan mi thahnem takin an hmang tawh. Reliance Company ten Mizoram ah naupang zawk tan football a hmalak bul tanna kalpui an tum thu a sawi.