Aizawl : PHE department hnuaia a nghet lova thawk provisional employee ten March 2020 atanga June 2022 inkara hlawh an lak kimlohna (arrear) pe chhuak thuai turin sorkar an ngen.
PHE deptt. hnuaia a nghet lova thawk provisional employee te chuan muster roll tih thin chu March 4, 2020 atanga provisional employee tih an nih thu sawiin, kumin June atangin provisional employee tana hlawh bituk angin hlawh an la ve theih chauh tih an sawi a. March 2020 atanga June 2022 inkara hlawh an lak kimlohna (arrear) chu Finance deptt-ah dil mek a nih thu an sawi.
Deptt. danga provisional employee te chuan an hlawh an lakkimlohna chu an la vek tawh niin PHE deptt-a provisional employee te chuan an sawi a. Mi harsa ve tak tak, hlawh beitham tak, a tul huna chhun leh zan sawi lova mipui tana hna thawk an nih thu sawiin, an arrear chu an ni tan nghahhlelhawm tak a nih thu leh sorkarin hma a lo laksak tawhnaa lawmthu sawi chungin a rang thei ang bera an arrear pawh a pek chhuah leh an beisei thu an sawi bawk a ni.