Indian Swachhata League – Khawpui fai inelna neih zawh takah Zaithiam lar Sawmtea Chhangte chuan Best Captain Award a dawng.
Sawmtea team te hi Govt Hrangbana College te an ni a, Zodin Square atanga Civil Hospital leh Sakawrhmuituai tlang tifaiin bawlhhlawh thenfai hna an nei a, HBC te nen an thawhhona a tha in, a hlu hle a ni. Mipuiin an tlawh nasat em em Sakawrhmuituai tlang pawh a faiin a nawm phah hle a, Sawmtea hian Volunteer te hi Sakawrhmuituai tlangchhipah Concert ropui tak a neih pui a, a nuam dangdai hle.
Award hian Memento leh pawisa fai a keng tel a ni.