Thla hmasa ni 1 hnua hnehna la chang leh miah lo Juventus in an mamawh result an nei a. Bologna hmachhawnin 3-0 in hnehna an chang.
Allianz Stadium-ah manager Massimiliano Allegri chungah beiseina phurrit tak awmin Juve in inkhel bul an tan a. Mahse Filip Kostic, Dusan Vlahovic leh Arkadiusz Milik ten goal an khung.
Juve midfielder Kostic-a’n a club thar tana a Serie A goal hmasa ber a khung a. Second half-ah Juve striker pahnihten goal an khung chhunzawm.
Allegri chuan inkhel zawhah, “Hnehna chiang tak a ni a, he result hi a pawimawh hle. Thla khat hnehna kan chang tawh lova, hei hi kan insiamthatna tur a ni. Kan naute an khel tha a, tunah hian langsar tak ni lovin kawng dik kan zawh mek, mahse kan hma a awmte um tur kan la ngah.” tiin a sawi.