Ruahsur hnuaia che tha thei tak Miguel Oliveira chuan a tana van inhawng chu Pathianni chhunah remchangah a la leh a. Thailand Grand Prix-ah hnehna a chang.
Buriram a Chang International Circuit a intlansiak hi ruah a sur nasat avangin tih khawtlai a ni a. Tlankawng huhah khawchhe hnuaiah tun season MotoGP intlansiak 17-na an tlan.
KTM bike khalhtu Oliveira hi 11-na atangin tlan tan mahse kawng huhah a tlan thiam a. Pahnihna hauhtu Ducati khalhtu Jack Miller nen a tawp thleng ngawrh taka inumin second 0.73 chauhin an inthlau.
Ducati khalhtu dang Francesco Bagnaia chuan pathumna hauhin world champion ni lai Fabio Quartararo nen an inkar point hnihin chauh ni turin a ti zim a. French rider Quartararo hi 17-na bak a ni thei lo.
Kum 27 mi Oliveira hi MotoGP-ah a chak vawi nga na a ni.