India Under-17 football team chuan chiang taka hnehna changin AFC U-17 Asian Cup 2023 Qualifiers-ah bul an tan a. Maldives 5-0 in an hneh.
Thawhtanni zanlai a Saudi Arabia a Prince Saud Bin Jalawi Stadium a inkhelah India in hnehna chan an harsat lova. Attacking football hlauhawm khelin mi panga in goal an khung.
India tana goal khungtu zingah captain Vanlalpeka Guite leh Lalhmingchhuanga Fanai te an tel a. Anni pahnih bakah Aman, Boby Singh leh Phoenix Oinam ten goal an khung.
India captain Peka chu Blue Colts tana hlauhawm siamtu ber a ni a. Inkhel tawp thlengin player hlauhawm leh langsar ber a ni tluan.
India hi Group D-ah Kuwait, Saudi Arabia, Myanmar leh Maldives te nen an awm a. Vawi khat theuh an inkhelh hnuah a sang ber an tling ang a. Group hrang 10 atanga pahnihna hauhtu zinga a sang paruk an tling bawk ang.
India hian zanin dar 12-ah Kuwait an hmachhawn leh ang.