Italy a che tha Udinese in bul an tan that chu an chhunzawm a. An tlo na lantir lehin goal chhuah hmasa zawk an nih hnuah 2-1 in Hellas Verona an lehthal.
Stadio Marcantonio Bentegodi-ah an thenawm club Verona an tlawh a. Friuli hian hnehna an chan avangin a zawnin match ruk chak hmel an hmu tawh.
Verona in kum 20 mi Scotland left back Josh Doig hmangin first half-ah goal an khung a. He goal hi halftime thlenpui theiin dinhmun thaah an ding.
Udinese in player thenkhat hahchawlhna hun an siamsak a, mahse goal an mamawh hnuah insiamtha in substitute Beto chuan minute 70-naah an si phurh a sut. Gerard Deulofeu chuan siamsakin Spanish winger hian tun season-ah league bikah assist vawi ruk a nei tawh a. Striker rinrawl Beto hian match 8 atangin goal nga a khung.
Inkhelh chhunga ball chang tam zawk Udinese in goal hlauhawm pawh an siam hnem zawk a. Chakna goal erawh huntawp dawn tawhah khung thei chauhin Lazar Samardžic freekick pet chu center back Jaka Bijol chuan a tauh lut.
Manager Andrea Sottil chuan, “First half kan khelh that ber tum kan hmang chungin si phur zawkah kan tang a. Kan dinhmun siamtha tur khan huaisenna leh tumna kan lantir. He rilru puthmang hi kan thawhho tirh atanga neih kan tum tawh a ni.” tiin a team a fak.