Aizawl : Mizoram pollution control board (MPCB) thutkhawm nimina neihah MPCB member secretary C. Lalduhawma’n boruak bawlhhlawh endikna tur hmun 15 a an hmuh thar thu leh a tihlawhtling tura an buaipui mêk thu a sawi.
MPCB member secretary chuan hman khat daih sarâng khap kawngah Mizoram chu hmarchhakah a titha ber a nih thu leh ram pumah 12-na a nih thu a sawi a. “Deptt. kaihhnawih dang ten tan han la deuh se India ramah pawh a titha ber kan nih ka beisei” a ti bawk.
MPCB thukhawm hian board chhûng inrêlbâwlna thil pawimawh te an ngaihtuahho bakah PUCC (motor khu tehna) centre an neihsâte leh hmalâk zêl dân tur te an sawiho a. Mipui remchâng siamna atân leh awlsam zâwk nân mobile testing system neih an rawt bawk a ni.