Synod Information and Publicity department (Synfo) leh Central Kristian Thalai Pawl buatsaih Branch KTP malzai intihsiakna ‘Praise on Solo- Competition 2022’ elimination round chu neih mek zel a ni.
Praise on 2022 elimination round hi Aizawl khaw pawn Kolasib, Lunglei, Mamit, Serchhip leh Champhaiah te September ni 26-30 chhung khan neih a ni a. Kolasib-ah mi 25, Lunglei-ah mi 11, Mamit-ah mi 11, Serchhip-ah mi 9 leh Champhai-ah mi 12 te zai intihsiaknaah hian an tel.
Aizawl khawpui chhung tan chuan October ni 3,2022 atang khan elimination round hi neih tan a ni veleha, Aizawl chhim lam tan Tuikhuahtlang Presbyterian kohhran hall-ah October ni 3-4,2022-ah neih a ni a, Aizawl North lam tan October ni 5-6 chhungin Ramhlun Vengchhak Presbyterian Kohhran Hall-ah neih chhunzawm leh a ni ang.
October ni 12 leh 13-ah Second round neih a ni anga, chung atang chuan top 50 thlang chhuakin, top 20 thlan leh a ni anga, chung atanga a tha zual top ten November ni 8 leh ni 17-ah Final round neih tur a ni a, November ni 18,2022-ah result puan leh lawmman semna neih a ni ang.