Spanish club Rayo Vallecano chuan hnehna chang turin minute 95 an nghah a ngai a. Elche lakah 2-1 in an chak hram.
Estadio de Vallecas-ah Rayo hian a mawngphah a awm Elche hi an mikhual a. First half-ah goal khat ve ve inpe in an inhnehtawk mai dawn niin a lang.
Mahni mualah Rayo in football hlauhawm zawk khel mahse Elche in goal na khung hmasa a, minute 32-naah Lucas Boyé chuan goal a khung.
Mahse minute 40-naah Sergio Camello chuan Rayo si phurh a sut a. A chance neih atanga a ball pet chu dan per niin goal-ah a lut.
A tawp thlengin Elche tang khawng hle mahse Rayo in an nawr na tulh tulh a. A bikin a tawp minute 20 chhungin chance an ngah. Unai Lopez chuan huntawp dawna hun pek belhah penalty area hmawr atangin an chakna goal a khung a, Rayo in point thum an hmu.