Kum 2020 atangin vawi thum an inhmachhawn tawh a, a hmuhnawm em em vek. UFC fighter hmuhnawm leh thiam ber zing ami pahnihte a tum khatna atan vawi li an inhmachhawn dawn.
UFC in January a Brazil a buatsaih a tum UFC 283-ah flyweight title inchuh turin champion lai Deiveson Figueiredo leh interim champion nilai Brandon Moreno te a intum tir dawn.
Brazilian mi champion lai Figueiredo hian social media kaltlangin an intum dawn tih hi a sawi tawh a, fighter pahnihte hian contract pawh an ziak tawh.
December 2020 khan UFC 256-ah bout hmuhnawm lutukah an in draw tawh a. Rematch-ah Moreno hi submission hmanga chakin Mexican mi UFC title la hmasa ber a ni.
Nikum January khan Figueiredo hian a title la kir turin unanimous decision in hnehna a chang let ve leh.
UFC 283-ah hian bout lian dang dah tum a nih avangin main event an ni dawn em tih a la hriat loh.
Figueiredo hi a inlan hnuhnung pariat atang vawi khat chiah tlawm a ni a. Moreno hian July thla khan Kai Kara-France TKO in a lo hneh tawh.