Spanish club hlun Atletico Madrid tan knockout stage a hla telh telh a, lehlamah Belgian club Club Brugge an indaikai tawh tluk a ni thung. UEFA Champions League Group B inkhelah 2-0 in Atletico Madrid an hneh.
Rojiblancos hi Thawhlehni zanah Jan Breydelstadion-ah lenglutin Belgian champion lai hi an hmachhawn. Forward pahnih Kamal Sowah leh Ferran Jutgla ten mualneitu lam tan goal an khung chu an sut thei lo tluan a. An group-ah a vawi hnih nan an tlawm.
Brugge in minute 36-naah hma hruaiin Jutgla ball pass chu Sowah hian nangin Europe huap inelna lian a match thum atanga a goal hnihna ni turin a khung.
Minute 62-naah Jutgla hun a thleng ve a. An winger Tajon Buchanan chuan hun remchang nghakin Spanish forward in penalty area a luh hunah tak ball tha a siamsak a, ani in goal-ah a chantir.
Atletico hian goal khat khung ve theihna an nei a, mahse minute 77-na a penalty an hmuh chu Antoine Griezmann-a’n goal bar a pet per. Hemi hnuah hian French forward hian goal khung mahse offside avanga pawm a ni lo.
Atletico manager Diego Simeone chuan, “Football match hmuhnawm tak a ni a, team pahnihten football tha tak an khel. First half kan duhdan angin kan khel a, chance tha pawh kan nei nual. Second half-ah Jan Oblak-a’n save a siam nual a ngai a, mahse a hnu lamah erawh an goalkeeper a kheltha ve hle thung.” tiin an khingpuite fak pahin inkhel a thlirlet.
Group B inkhel dangah FC Porto in an mamawh hnehna an chang a. Pahnihnaah an inhlangkai.
Estádio do Dragão-ah Bayer Leverkusen an mikhual a. Goal an khung lawk theih loh hnuah substitute pahnih Zaidu Sanusi leh Wanderson Galeno ten goal an khung. Portuguese club hi tun season group stage a an chak hmasak ber a ni.
Leverkusen in goal pawm loh an neih bakah penalty an khung lo bawk. Leverkusen striker Callum Hudson-Odoi goal khung chu midfielder Robert Andrich foul vanga pawm loh a ni a. First half a Patrik Schick penalty pet chu Porto keeper Diogo Costa chuan a dansak bawk.