Assam-a Karimganj district-ah lei inthen thei chi chim/chatah an sikul bâng haw lam zirlai 30 velin hliam an tawrh phah.
He chhiatna hi Cheragi bial, Ratabari assembly constituency chhunga Thawhtannia thleng a ni.
Lei hi Singla lui chunga dawh a ni a, Cheragi vela khaw inkalpawhna kawng ber a ni a. Zirlai naupangte pawh hian inlenpawh nan bakah an sikul kaina atan kum tam tak chhung an lo hmang tawh thin.
Thawhtanni khan Cheragi Vidyapith High School-a zirlaite hian an sikul bâng haw lam chu Singla lui hi an kân a, an zawh lai hian a chat ta thut a, luiah an tla ta a ni.
A bul hnaia chengte chu tlan khawm nghalin luia tla naupangte chu an chhan chhuak a, tumah thi an awm lo va, hliam erawh an awm nual.
Naupang 30 vel an inhliam a, a na zualte chu damdawi inah dah an ni.