Zai mai ni lo, fashion lamah pawh mi tam takte chung en, Kanye West chu PFW show, Paris-ah, ‘White Lives Matter’ inziahna t-shirt nen a inlan thut a, sawi leh sel a hlawh nasa.
Hun rei tak atang tawhin mihangte nekchepna, hmuhsitna, endawgna leh diriamna nasa mangkheng vangin khawvelin ‘Black Lives Matter’ tih thupui an vawrh sup sup laiin, mihang berin hetia ‘White Lives Matter’ thuziak a rawn thawhchhuahpui ta mai hi mak tih a hlawh a, beihna a tawk zut zut.
Social media lamah thu inchuhna, inhnialna leh lamtang insiamna a tam zui hle bawk a, mihang ni si a, mihang nih zahpui a, mingo chungnung zawk nia inhriatna ngaisang a, heti lam hawia a inlan chu temawm tiin, an umzui chiam mai.
Comment pakhatah chuan, “Kanye West-a’n ‘White Lives Matter’ kawr ha tura rilru a siam ta kha a tenawm a, a hlauhawm a, mi dawihzep a nihzia a tilang chian bawk. Lo tantu emaw a th thlavang hautu in awm ve bawk sia, lo inenchiang mawlh teh u,” tih a awm.