Aizawl: Mizoram People Forum (MPF) hruaitute nimin khan ZPM party pisa-ah lengin, Tuirial bial bye-election lo awm tura thawhho dan turte party hruaitute an sawipui.
MPF hruaitute chuan political party hrang hrangten Mizoram an hmangaih hlea an ngaih thu sawiin, Mizoram siam tha turin sorkar, NGO leh kohhrante thawhho tul an tih thu an sawi a. “Thuthlung bawhchhiaa inpuan mualpho ngai lo leh theihtawp chhuah turin kan inngen a ni,” an ti bawk.
ZPM Working President K. Sapdanga leh hruaitu dangten MPF hruaitute hi lo dawngsawngin, K. Sapdanga chuan MPF duh dan chu an party duh dan a nih thu a lo hrilh a. Inthlan senso tlem thei ang ber, inthlanna thianghlim leh felfai a awm theihna tura hmalakna thar an neih zel a tul thu a sawi.