Myanmar-a Myawaddy-a hna zawnna lem avanga tangkhang Indian 13 chu chhanchhuah an ni.
External Affairs Ministry thupuangtu, Arindam Bagchi chuan Indian chhanchhuahte hian Nilaini khan Tamil Nadu an thleng tih a sawi.
Thla hmasa pawh khan Myanmar leh Thailand-a India palaite tangrual chuan Myawaddy atang vek hian Indian 32 an lo chhanchhuak tawh bawk.
“Hna siamsak thei nia insawite hian Indian-te hi Myanmar-ah an titangkhang a. Myanmar leh Thailand-a Indian palaite chuan a hmain mi 32 pawh an lo chhanchhuak tawh a ni,” tiin Bagchi chuan Twitter-ah a tar lang.
Myawaddy hi Myanmar chhimchhak, Kayin state-a awm, Thailand nena inrina a ni a, Myanmarese sorkar leh hnam bil hel pawl inbeih rengna a ni.