Aizawl : YMA, Saron branch-in an kum 50 tlin lawmna atana Aizawl East-II Badminton tournament an buatsaih chu nimin khan Sports Minister Robert Romawia’n a hawng.
Sports Minister chuan YMA, Saron branch member te chu Diamond Jubilee lawmpuina hlanin, Grant in Aid angin MLA fund Rs nuai 1 a pe a, Saron Veng thlanmual thar leina tur Rs nuai 20 ngaihtuahpui a tum thu a sawi bawk.
YMA Saron branch-in an Diamond Jubilee lawmna atana Aizawl East-II bial huap Badminton tournament an huaihawt chu an tihawm tak ti an nih thu Sports Minister chuan a sawi a. Sorkar leh Tata Trusts tangkawpin Mizoram hmun 40-ah Badminton zirna mumal zawka a kalpui tur thu sawiin, Saron Veng chu Badminton zirna tha taka kalpui turin a chah bawk a ni.