Tiruppur, Tamil Nadu-a children’s home-a awm lai chu mihring tana tha lo an chaw-ah a tel ni ngeia rin avangin an thi.
Naupangte thihpui ang tho ei tur ei naupang dang 11 pawh damdawi inah enkawl mek an ni.
Naupangte hi Vivekananda Sevalaya-a awm lai vek an ni a, a chhuitute chuan Nilaini tuka idli leh Pongal an ei hnuah an awm a nual lo zui ta niin an sawi.
Sevalaya-a thuneitute chuan damdawi an pe a, an awm a nawm phah chuang lo va; chhun chaw leh zanriah pawh an ei zui thei ta lo bawk.
Sevalaya-a awm mek naupang 15 zinga pahnih chu Ningani tuk khan an hostel-ah thia hmuh an ni ta a, pakhat dang pawh damdawi in panpui a nih laiin a thi zui ve ta a. An vai hian kum 10 leh 14 inkar an ni.
Thuneitute chuan naupangte thihna chungchangah hian tumah man an la awm loh thu leh an thil ei sample chu chhui zui tura lak a nih thu an sawi.
“Rinhlelhawm taka thihna thleng thubuai ziah luh a ni a, an thil ei sample lak niin endik a ni ang a, tih dan phung pangngai anga chhui zui a ni ang,” tiin Commissioner of Police S Prabakaran chuan NDTV a hrilh.
“Enkawl mekte hi chu an dinhmun a tha a, ngaihtuahawm an awm lo va, pakhat phei chu hawtir leh a ni tawh a ni,” tiin officer hian a sawi bawk.