Lok Sabha Speaker Om Birla kaihhruai Indian Parliamentary Delegation chuan Rome, Italy-a G20 Parliamentary Speakers Summit-a tel turin Nilaini khan India an chhuahsan.
India aiawha feh chhuak zingah hian Rajya Sabha Deputy Chairman Harivansh, Lok Sabha Secretary General Utpal Kumar Singh leh Rajya Sabha Secretary General Dr. P.P.K. Ramacharyulu te an tel.
Tun tum intawh khawma an thupui (theme) tur hi ‘Parliaments for People, Planet and Prosperity’ tih a ni dawn a. Inkhawmpui tawpah thuchhuah intawm an siam ang.
Lok Sabha speaker chu Session 1-ah thupui pakhat, ‘Response to the Social and Employment Crisis caused by the Pandemic’ tih sawi tur zingah a tel nghe nghe.
Intawhkhawm neih rual hian ram dang aiawhte nena inkawmhona hun pawh a awm dawn a. Birla hian ram dang parliament aiawha telte chu a kawm kual dawn a ni.