Aizawl : N. Vanlaiph- aia Subsidiary distribution center godown chu nimin khan Home Minister, Hrangturzo bialtu MLA Lalchamliana’n a hawng.
N Vanlaiphaia kudam hi Mizoram sorkarin NABARD atanga -construction of intermediate storage godown & related infrastructures project atana Rs. vbc 39.61 a hmuh hmanga kudam 21 sak zing ami a nih thu sorkar thuchhuahin a tarlang a. N. Vanlaiphai kudam sakna bik atan Rs. nuai 183.92 hman niin, staff quarters leh toilet block te sak tel a ni.
Home Minister chuan “FCI atanga state quota Buhfai kan kham loh avangin open market atanga man to zawka lei a ngai thin, chungte pawh chu a man tlawmin mipuite hnenah pek a ni” a ti a. Buhfai man tihpun tumnate awm thin mahse, sorkar chuan mipui dinhmun ngaihtuahin Buhfai man a la tisang rih lo niin a sawi.