Kum 27 mi Russian rapper pakhat chu President Putin-a’n Ukraine laka beihpuithlakna kal zela sipaia tan tirna runpui kalpui chu dodalin, ‘Midang that turin ka inpeih reng reng lo’ tiin a intihhlum.
Ivan Vitalievich Petunin (walkie) hi inrinni tlai lam khan thi-a hmuh a ni a, Krasnador khawpuia a chenna building chhawng sang tak atanga zuangthla in a intihlum.
Rapper thihna hian Russira ram a tuamchhuak rang hle a, a bialnu leh a nu chuan Petunin thihdan leh thihchhan hi zep map lovin independent Russian media lar, ‘Mediazona’ an hrilh.
Tualchhung media thenkhat tarlan danin Petunin hi chhawng sawmna atangin a zuangthla.