Premier League club Tottenham chuan an fitness coach Gian Piero Ventrone chu kum 61 mi niin a thih thu an sawi.
Italian coach hian nikum November thla khan Spurs hi a zawm a. Antonio Conte coaching staff a tel turin England a pan.
“Gian Piero hian a hnathawhah inpekna sang tak a phut a, chutiang chiah chuan midangte tana a inpek avangin player te thawktu dangte ngainat a hlawh hle.” tiin club chuan an sawi.
Ventrone hi coaching a tawnhriat nei tha tak niin kum 2006 World Cup an chawi tuma Marcelo Lippi hnuaia Italy coaching staff a tel tawh a ni a. Tunhnai te khan leukemia a nei tih hmuhchhuah niin Naples-ah enkawl nghal a ni a. A dinhmun a tlahniam chak hle.