Manchester City defender Kyle Walker chuan kumin World Cup a khel thei dawn em tih zawhna lian tak a awm a. A hliam zai a nih avangin a dam hman dawn em tih a hriat loh.
Pathianni zana Etihad Stadium a Manchester United 6-3 a an hneh tumin Walker hi a inkhel zo thei lova. Nilaini zanah pawh a inkhel lo.
City chuan tunkarah Walker hi zai a nih thu an sawi a. A lo kir hun tur erawh sawi tel theih a ni lova, hei vang hian England squad-ah a tel ang em tih hriat a ni lo.
Walker hi dam se Gareth Southgate a tel ngei tura ngaih zing ami a ni a, England tlarhnung a player pawimawh zingah a tel.
Southgate hian October 20 hian England squad a tel thei tur player-te a puang dawn a. Ram tana vawi 70 inkhel tawh Walker hi November thla a tan tur atan a dam hman beisei in an ko ‘risk’ dawn em tih hriat a ni lo.
Walker bakah hian England tana a khelhpui tho Manchester City midfielder Kalvin Phillips pawh zai a ni a. A dar hliam avanga la khel tam lo Phillips hi ko a ni dawn em tih a hriat loh ve bawk.