Syria hmarthlang lam, Turkish-ten an thunun khua, Al Bab-a nimin khan truck-a phurh bomb thahnem tak tihpuah a ni a, mi 18 vel an thi a, hliam tam tak an awm bawk.
Truck-a phurh bomb chak tak hi bus station bul lawka puak niin mi 75 vel hliam an awm a, thenkhat chu an na hle niin United Kingdom-a hmunpui nei, Syrian Obserbatory for Human Rights chuan a sawi.
Hetih lai hian chhiatna a thlen ruala chhan chhuah leh tanpui hna an thawk nghaltu, Syrian Civil Defence chuan a, an thupuangtu, Ibrahim al-Haj chuan mi 82-in hliam an tuar niin a sawi ve thung.
Social media-a video leh thlalak an thehdarhah chuan a puahna hmuna meikhu dum chhah tak invawrh te, a bul hnaia in a tihchhiat hrang hrangte pawh hmuh tur a awm.
Bomb puak hi a titua inchhal tumah an la awm lo va; mahse, kum 2017-a Islamic State firfiakte awpna atanga Turkish sipaiten an lak hnuah Al Bab-ah hian tharum thawhna a thleng nasa hle a, anni tih hi a nih rin a ni.
Al Bab hi Syrian khawpui pahnihna, Aleppo atanga hmarchhak km 40 chauhva hlaa a ni.