Mizoram Premier League round 7-na ni hnuhnung zawkah FC Venghnuai leh Chawnpui FC ten an khingpuite an hneh ve ve a. Khawzawl atangin point thum hmu in an haw dawn.
Mualvawm a Khawzawl DFA Ground a inkhel hmasa zawkah round 5 a tun MPL9 a vawikhatna atana chak Electric Veng FC leh FC Venghnuai an inkhel.
Venghnuai in minute 18-naah goal hmahruai khungin C. Ramnunpuia hmangin hma an hruai a. Second half-ah Venghnuai tan Lalruatfela’n goal a khung belh hnuah Lalnunzira Hnamte chuan huntawp dawnah an goal thumna a khung.
Inkhel hnuhnung zawkah Chawnpui FC in tun season a vawi hnih nan hnehna changin Chanmari FC 2-1 in an hneh.
Chawnpui tan striker tawnhriat nei ngah MC Malsawmzuala chu danglamna a ni a. Minute 49-naah penalty atang an goal hmahruai a khung hnuah minute 82-naah goal a khung nawn.
Mizoram Premier League round 7 hi Khawzawlah nghah niin team te hian Thawhlehni atangin inelna an khel chhunzawm leh dawn a. Khelmual remchan lohna avanga sawn Round 6 chu Nilaini ah nen khelh a ni ang.