Rubaru Mr India 2022 inelna chu October 5, Nilaini khan a hmawr bawkna neih niin, Mizo zinga he inelna a tel thei hmasa ber Fabian Lalrinpuia chuan top 20 a thlen mai bakah, People’s Choice Award a dawng.
India ram state leh union territory hrang hrang atangin tlangval 35 an inel a, an zing atang hian Top 20 puanna neih a nih hnuah Winner te puan leh an ni a, Rubaru Mr India 2022 atan Rajasthan tlangval Chena Ram Choudhary chu thlan a ni.
Rubaru Mr India-ah hian Fabian Lalrinpuia hnung zui turin kumtin Mizoram atang Finalist tirh tum a ni a, kumin a Mizoram tana hma la tu Amos MS Dawngzuala leh Songashim Rungsung te’n hma an la mek.